السلام عليكم ورحمة الله
كيف حالكم يا شباب؟
اعتذر عن انقطاعي لمدة عن التدوين نظرا لأنشغالي وضيق الوقت
موضوع اليوم تحذير لمن يستخدمون MSN
هل صادفك مره من المرات انك أول ما تفتح الهوت ميل بتاعك او اي بريد تابع لشركة MSN تجد ان احد المضافين عندك ارسل لك برنامج
مضغوط بدون ما يكلمك او تكلمه علما بان المضاف عندك اون لاين
طبعا مازلتوا مش فاهمين هاوضح اكتر
انا دلوقتي فتحت الهوت ميل بتاعي وواحد صديقي مضاف عندي واون لاين بمجرد دخولي بلاقي الصفحه اللي بنتكلم فيها بتاع الشات فتحت
علي انه بيكلمني بفتح الصفحه بلاقي برنامج صاحبي بعتهولي وهو برنامج مضغوط يحمل اكثر من اسم مثل صوري الشخصيه والأسماء
المخادعه المعروفه وبيكون علي هيئة ملف مضغوط طيب اجي أسأل صديقي ايه ده يقولي هو ايه اللي ايه ده بكل استغراب
اقوله ايه اللي انت بعتهولي ده يقولي انا ما بعتش اي حاجه وطبعا ممكن افتكر ان صاحبي بيشتغلني وبيهزر معايا
اوضح اكتر انت اما بتكون عاوز تبعت لواحد برنامج من علي الهوت ميل بتبعته من قائمة SEND FILE اكيد كلنا عارفين دي
البرنامج بيكون جايلك بنفس الطريقه دي علي ان صديقك هو اللي بعتهولك وبيكون مضغوط لانه الهوت ميل مابيبعتش البرنامج الا مضغوط
و صوره لكن البرنامج بدون ضغط ما بيقبلوش وبيقولك ان الصيغه ربما تكون محتويه علي ملفات SPAM المهم نرجع لموضوعنا
المهم ان الملف ده يا جماعه ماتعملوش save as للبرنامج ده لان ده فيرس وبيبعت نفسه لاي صديق ليك مضاف عندك اونا من فتره
صادفني الفيرس ده من صديقه من نيوزلاندا وسألتها ايه ده اللي انتي بعتاه قالتلي انا مابعتش حاجه واكن بيحمل اسم صوري الشخصيه
المهم يا جماعه ناخد بالنا من البرامج اللي بتتبعت من اي شخص ونتأكد من مصدره الأول وما نتخدعش في الاسماء
اي استفسار او اي حاجه مش واضحه اكون سعيد بتركها في تعليق والرد عليها
منتظر تعليقاتكم
Dr.Virus
A Man Of Another World
المشاركات
