4
السلام عليكم ورحمة الله

اليوم جبتلكم اداه لقتل الفيرس الصيني Xorer الفيرس اللعين المعروف وان ما كنتش تعرفه اعرفهولك

الفيرس ده من أسوأ الفيروسات اللي ممكن تقابلها

الفيرس ده بيتنقل عن طريق الفلاشات او هارد ديسك مصاب او من علي النت

طيب بيجي من علي النت منين

بداية ظهور الفيرس ده كان من موقع العاب وموبيلات صيني

نبدأ

اولا الفيرس بينزل في جهازك كالاتي بينسخ نفسه في جميع محركات الأقراص بالأسماء التاليه

pagefile.exe
pagefile.pif
Autorun.inf
+ انه بيعمل لنفسه MSshortcut علشان يرجع تاني

طيب ايه اللي بيعمله الفيرس في جهازي هاقولك يا سيدي

اولا كل شويه هتلاقي رساله بتطلعلك مكتوبه بالصيني

كل شويه هتلاقي موقع صيني كل شويه بيفتح لوحده

بيعطل اظهار ملفات السيستيم لكن اظهار الملفات العاديه دي مش هايعطلها لكن هو بيعطل اظهار ملفات النظام او السيستيم لأنه بيكون خافي نفسه

كملف سيتسم وطبعا لو حاولت انك تظهره من الدوس وده اللي انا جربته اوقات بيقولك انه مش موجود الملف ده واوقات تانيه بيظهر والملف اللي كان علي طول بيظهر هو ملف Autorun.inf لكنك هاتيجي تمسحه مش هايتمسح لانه هايقولك انه في برنامج تاني مستخدم الملف ده حاول تنهي عمل البرنامج علشان تقدر تمسحه وطبعا ده مش ممكن لانك مش هاتعرف اسم البرنامج في مدير المهام

طيب ايه تاني بيعمله الفيرس الفيرس بيحول اي ملف مضغوط لأرشيف خاص بالفيرس ولو جيت تعمل فك الضغط للملف هتلاقي البرنامج بيقفل لوحده او بيقولك الارشيف معطوب Bad Archive

طيب الانتي فيرس بيشيله طيب مانا ماكنتش شرحت ده كله اولا الفيرس بيلغي ايه حاجه في الــ Start Up اللي هيا اولا ما الويندوز يشتغل تشتغل معاه وبينسخ ملفات لنفسه في قائمة الــ Start Up بتكون اشكال الملفات كالتالي 9584123.exe وطبعا ارقام متغيره

الفيرس بيعطل اي برنامج انتي فيرس عندك وطبعا البرامج المشهوره يعني لو برنامج غريب مش معروف قوي مش هايعطله وغير كده انه بيمنعك من إنك تصطب اي برنامج انتي فيرس علي جهازك تاني هههههههههههه طيب وبعدين ارمي جهازي في الشارع لا طبعا

عارف هاتعمل ايه

هاقولك الفيرس بيصيب الملفات اللي امتدادها EXE وطبعا الــ RAR ولو شغلت اي ملف مصاب من اللي امتداهم EXE هايرجع الفيرس تاني علي طول طيب ايه الحل الحل انك تمسح البرامج والألعاب اللي عندك بعد ما تستخدم الأداه اللي هاديهالك دي

الأداه دي بتعمل ايه بتمسح الفيرس من جهازك وبيرجعلك كل حاجه زي الأول لكن ما بينظف الملفات المصابه لذلك لو انت جيت شغلت اي ملف مصاب هايرجع الفيرس تاني طيب وبعدين يعني الحل اني امسح البرامج والالعاب

مفجأه دلوقتي لا طيب هاعمل ايه

طبعا انت عارف انك مش هاتعرف تصطب انتي فيرس طيب هاتعمل ايه

انت هاتروح لواحد صاحبك يكون عندهKasperSky متحدث باخر تحديث ويعمل سكان لجهازك وهو هايرجع زي الفل بدون ماتمسح حاجه ولو مسح الأنتي فيرس حاجه ماتزعلش عليها لأنه مش هايمسح كله

طيب انا طولت طبعا لكني يارب اكون وفيت في الشرح

المهم انا هاديلكم الأداه اللي بتمسحه لكن ما بينظفش الملفات المصابه وهي اداه مصنوعه بيد عربية

وهاديلكم برنامج اسمه Unlocker وده بيمسح الملفات اللي مش عاوزه تتمسح او بينقلها او بيعيد تسميتها البرنامج ده فعلا رائع وبيدعم اللغة العربية

بالمناسبه انتوا اكيد بتسألوا بتقولوا ليه الكاسبر بالذات هاقولك لأنه البرنامج اللي اتجرب قدامي وأزاله وكان الاصدار رقم 7

وعلي فكره الفيرس الصيني ده ليه اصدارات كتير وده احد اصداراته المشهوره

مش هاطول عليكم اكتر من كده

اداه لقتل الفيرس الصيني

حمل من هنــا

برنامج Unlocker

حمل من هنــا

تقبلوا تحياتي ...

Dr.Virus
A Man Of Another World


اسم المراجعه: الفيرس الصيني Xorer الوصف: تقيم المراجع: 5 مراجعه بواسطة: Ahmed Sheta

إرسال تعليق Blogger Disqus

  1. ممكن حد يعرفنى ازاى اشتال الفيرس لان الكاسبر مش رادى يتسطب الاميل myar_eagle

    ردحذف
  2. بسم الله الرحمن الرحيم
    أولا السلام عليكم
    أستاذي الفاضل طبيعي ان برنامج الكاسبر مش هايتسطب لان الفيرس بيمنع تصطيب اي برنامج انتي فيرس مشهور زي الكاسبر مثلا فعندك حلين
    الاول انك تنزل نسخه جديده وماتفتحش اي بارتيشن بعد تنزيل النسخه وتنزل الكاسبر من اي اسطوانة وتعمل سكان ولما تتأكد انه مسح الفيرس ممكن تفتح البارتيشنات عادي واذا لاحظت اي خلل يبقي يا تنزل نسخه جديده يا اما تحط اسطوانة الويندوز في السي دي روم وتفتح قائمة Start ثم Run وتكتب الأمر ده sfc /scannow وتسيبه لما يخلص تحميل وكده ان شاء اللع النسخه هاتكون سليمة
    اما الحل التاني انك تاخد هاردك وتروح لاي جهاز غير مصاب وعليه كاسبر 7 متحدث وتعمل للهارد بتاعك سكان
    وبعدين تبقي تنزل نسخه جديده بعد ماتروح بالسلامه
    ارجو ان المعلومه تكون وصلت وشكرا علي دخولك المدونة وتعليقك فيها واعتذر ان كنت اتأخرت في الرد
    Dr.Virus
    A Man OF Another World

    ردحذف
  3. Link china killer doesnt work.. ana 3malt kol 7ga 3shan ash3`al el regedit w bardo mafish fayda... el virus da hwa el sbab??

    ردحذف

اترك تعليقك واعلم ان الله رقيبك

بسم الله الرحمن الرحيم

" ما يلفظ من قول الا لديه رقيب عتيد "

صدق الله العظيم

 
Top